Angka Kesepian

Ku takut akan selalu menjadi angka kesepian seperti akar tiga

Hanya tiga yang kumiliki

Kenapa harus kusembunyikan tiga ku yang kesepian

Dibawah akar kuadrat yang kejam

Ku harap aku angka sembilan

Karna sembilan dapat mengalahkannya

Hanya dengan aritmatika sederhana

Seperti kenyataan ku

Bilangan rasional yang menyedihkan

Ketika ku melihat akar tiga yang lain

Yang menari mendekatiku

Bersama kita saling mengalihkan

Membentuk angka yang kita inginkan

Bersatu menjadi Bilangan Bulat

Kita mendobrak ikatan abadi

Dengan alonan tongkat sihir

Tanda akar kuadrat terlepas

Dan cinta untuk ku telah kembali

Palui Mernyau part III

Bagi ulun…

Mentari pagi tu kada cuman datang sekali dalam sahari

Baagi ulun…

Mentari pagi tu datang disetiap pian ada

Bagi ulun…

Pian seperti bintang disiang hari

Walau kada tampak

Tapi tatap talihat dalam hati

Bagi ulun…

Pian kada seperti bulan

Yang hanya hadir menerangi dimalam hari

Bagi ulun…

Pian selalu hadir menerangi dalam gelap ulun

Bagi ulun…

Pian adalah sebuah bagian puzzle hati ulun yang terakhir

Yang kada akan lengkap

Bila bagian itu hilang

Rimut Tv

Bini PALUI tamasuk urang nang katuju maumpati parkambangan jaman. Wayah urang di kampung rami mangaridit sapida mutur, inya batagih jua wan lakinya minta tukarakanj ua sapida mutur nang mudel hanyar.  Parnah jua wayah malihat artis-artis di tivi basamir rambut umpat jua inya bahabang-habang rambut.  Pukuknya napa haja nang hanyar atau mudel, inya pasti langsung takisir lalu handak situ-sini umpat manukar.

Kada lawas tadi bini Palui batagih talipun ganggam alias HP, karana urang subalah manyubalah rumah sudah ba-isian,  Bini Tuhirang wan bini Utuh Garbus haja bilang tating-tating wan HP, walaupun gawiannya cuma bajualan iwak di pasar.

“Bujur jar ikam umanya-ai, kita jangan hakun katinggalan zaman.  Malah aku sudah baniat manukar,” ujar Palui.

“Hi-ih, supaya kita kawa bapander dan bahuhubungan tarus, kamanapun tulak makanya laju-i manukar ituu… talipun nang kada batali,” ujar bini Palui minta tukarakan HP.

Akhirnya Palui umpat jua manukar HP.  Sabuting gasan bininya dan sabuting dipakainya saurang.  Karana kahimungan ba-isian HP hanyar maka Palui wan bininya itu haur batalipunan tarus.

Tapi inya hari ini bahual dan bakalahian wan bininya itu karana marasa lakinya kada hakun manarima kiyauannya.

“Rupanya karna kaasyikan wan bibinian di kantur bajalanan kamana-mana maka saharian ini ikam kada hakun lagi di HP,” ujar bini Palui sarik.

“Sumpah nah, saharian ini aku bagawi di kantur haja, sama sakali kadada mandangar HP-ku babunyi,” ujar Palui ma-ambil HP nya.

“Kada mungkin, ikam mangaramput, kada mungkin HP-nya mati karana hanyar ja disatrum.  kalu kada handak ba HP lagi, kita ampihan haja.  Mana HP-nya, kita jual haja”, ujar bininya mangikihi kantung Palui lalu maambil HP-nya.

“Astaga… pantas haja aku sama sakali kada mandangar bunyi HP panggilan ikam itu ding ai karana nang kubawa itu lain HP tapi aku tajumput rimutnya tivi”, ujar Palui manunjuk rimut nang diganggam bininya.

“Maaf ka lah, ulun kalajuan mandakwa sampiyan”, ujar bininya baungah wan Palui.

Puisi Palui

Ulun punya batis, tapi kada kawa manjalani cinta

Ulun baisi tangan,tapi kada kawa memeluk

Ulun beisi muntung, tapi kada kawa meucap kata sayang

Ulun beisi talinga, tapi kada kawa mandangar kata cinta

Ulun punya mata, tapi kada kawa melihat apa itu cinta

Ulun punya rasa, tapi kada kawa merasakan cinta

Tapi ulun punya hati, yang akan bisa melengkapi

Doa Tidak Selalu di Kabulkan

Alkisah ada saurang pamuda nang lagi malajari kamanakannya. Biasanya kamanakannya ini rajin mamparhatiakan apa nang dilajari si pamuda itu, tapi kali ini inya kada kawa konsentrasi karna kaleker kasayangannya hilang rahatan sambil bamainan.

Kakanak itu batakun lawan si pamuda: “Bang, ulun bulihlah badoa lawan Allah supaya kaleker ulun dapat?”
Si pamuda mambulihakan inya badoa. Kakanak itu mamajamakan matanya sambil badoa sungguh-sungguh. Aamiin~ ujar kakanak itu di pahabisan doanya.

Kaisukan harinya, saparti biasa inya malajari kamanakannya balajar, si pamuda takutan musia doa anak kamanakannya itu kada takabul, bisa jadi mamatahkan samangat balajarnya. Dengan rasa khawatir si pamuda batakun lawan kamanakannya: Sudah tatamu lah kaleker kasayangan pian samalam?”
Kadada, Bang!” ujar kakanak itu. “Tapi Allah sudah maulah ulun kada handak mamakai kaleker tu lagi.”

***

Allah mimang kada salalu manjawab doa kita manurut kahandak kita, tapi amun kita tulus badoa, Allah akan mangambil kainginan kita nang batantangan lawan kahandak-Nya. Bisa ja apa nang kita kahandaki jadi mudhorat gasan kita, atawa lamun dikabulakan Allah kita sampai kada ingat-ingat lagi lawan Allah.

Lamun doa balum jua takabul, jangan sadih, jangan manyarik, jangan mangeluh, jangan manyambati Tuhan, jangan madahakan Allah kada adil. Sabar wan parcaya haja sagala doa itu pasti diparkananakan, sasuai firman Allah: “Ud ‘uunii astajib lakum” artinya: “Mohonlah kpd-Ku, niscaya Aku kabulkan permohonanmu”
Jum’at Mubarok!

Kisah Borak Obana

Pas Borak Obama kunjungan ka Banjar, Obama kabingungan handak mancari rumah admin. Daripada pacangan sasat di jalan, Obama batakun lawan urang nang kada singgawian.
“Ne bujur kah jalan manuju rumah admin GP (Gombal Palui)?”
“Ho’oh” ujar urang kada singgawian tadi.

Borak Obama bingung, Obama kada tahu napa maksudnya “Ho’oh”, di Amerika sana kada suah manamui jawaban nitu. Karna masih sasat wan magin bingung, Obama cuba batakun pulang lawan pulisi.
“Ne bujur kah jalan manuju rumah admin GP?”
“Ya” ujar pulisi singkat haja.

Magin kabingungan Obama, nang saikung manjawab “Ho’oh”, saikungnya lagi manjawab “Ya”, nang mana jua jawaban bujurnya.

Rahat istirahat kauyuhan, Obama duduk di warung Acil Irus, kabatulan Palui lagi santai mangopi. Obama cuba batakun lawan Palui.
Obama: Uy, kawal… Ne bujur kah jalan manuju rumah admin GP?
Palui: Benar…
Obama: Anu nah, ulun handak baelang ka rumah admin GP, tapi sasat di jalan. Ulun sudah cuba batakun lawan 2 urang, tapi jawaban buhannya kada ulun mangarti. Tambah katiga jawaban pian.
Palui: Sapa haja nang nyawa takuni lawan napa haja jawaban buhannya?
Obama: Panambaian ulun batakun lawan urang nang kada singgawian, pas ulun takuni inya manjawab “Ho’oh”. Nang kadua, ulun batakun lawan pulisi, ujar pulisi “Ya”. Jawaban pian sorangan “Benar”. Lain-lain jawaban buhannya, nang mana jua nang bujur, magin bingung aku.
Palui: Sabujurnya nyaman haja wal ae, urang nang manjawab “Ho’oh” tu urang nang lulusan SD, urang nang manjawab “Ya” tu urang lulusan SMA, urang nang manjawab “Benar” tu lulusan sarjana.
Obama: Jadi… Pian lulusan sarjana??Palui: Ho’oh…

Loco kada loco, mudahan kawa tahibur.
Lapah jua ih admin mangatik kisahnya, jakanya ada member GP nang spesialis paurutan, jadi nyaman jua. Behahaha.

Palui Meranyau Part II

Dari jauh…

Ulun memandang lewat semia mata hati

Dari jauh…

Ulun mengagumi lewat semua kisah tentang pian

Dari jauh…

Ulun mahayal tanpa peduli kata hati

Dari jauh…

Ulun larut dalam suka

Bagai tatamu air barasih dipadang tandus

Dari Jauh…

Ulun hanyut dalam duka

Bagai terseret dalam mimipi buruk

Dari jauh…

Ulun berdoa untuk pian

Doa tulus, doa nag kada basarat

Dari jauh…

Ulun titipakan hati ulun

Agar ulun selau ada dihati pian ^_^

Jurus Kuku

Acil   : mang, cinta kada wan lun?

Palui : nyata ae cinta cil ae

Acil   : seberapa besar cinta pian mang?

Palui : mun cuwu2 lain mungkin akan bapadah cintaku setinggi gunung atau sedalam lauitan tapi ulun kada

Acil   : mbah pang, seapa cinta pian?

Palui : Cinta ulun tu seujung kuku ja

Acil   : kanapa jadi seujung kuku haja? *merangut

Palui : gunung bisa runruh, laut bisa kering cil ae, tapi kalo kuku biar diputung habis tatap ae tumbuh pulang, nangkaya cinta lun wan pian akan selalu tumbuh

Acil   : :-* *mengibit palui

Palui Meranyau

Pelajarilah sebuah ketulusan

Dari orang-orang yang memperalatmu

Pelajarilah sebuah kesetiaan

Dari orang-orang yang menghianatimu

Pelajarilah sebuah kasih sayang

Dari orang-orang yang membnecimu

Dan pelajarilah apa itu CINTA

Dari sebuah KEBENCIAN

Palui vs Acil Sayang Part II

Palui      : Cil, pian tahu lah persamaan kartu 3 ama hati ulun

Acil         : Kada tahu manga e, napa pang persamaannya?

Palui      : Persamaannya sama2 ALWAYSON, tapi hati lun ALWAYSONnya dihati pian

Acil         : ^_^

Acil         : Mang, nungkar hp gen pian nyaman kita behubungan

Palui      : Kada usah gen cil ae

Acil         : Kenapa mang?

Palui      : Karena hati kita sudah tahubung cil ae

Acil         : Umayyai :*

Palui      : Tau kada cil kanapa jadi lun kada handak pakai hp gasan behubungan

Acil         : Nah kada tahu lun manga e, kanapa garang mang?

Palui      : Karna mun pakai hp tu bisa habis pulsa atawa habis batrai, tapi mun pakai hati hati lun kada harapan kehabisan cinta gasan pian

Acil         : :}} *beganal karah baju